नेशन न्यूज मराठी टीम.
कल्याण /प्रतिनिधी – महिलांच्या आर्थिक सक्षमीकरणासाठी काम करणाऱ्या कल्याणातील आपुलकी या बचत गटांचा दुसरा वर्धापन दिन नुकताच वंजारी भवन कल्याण येथे संपन्न झाला यावेळी आपुलकी गटाच्या अध्यक्ष सौ. अश्विनी डोमाडे यांच्या हस्ते दीप प्रज्वलन करून कार्यक्रमाचे उद्घाटन करण्यात आले. तसेच सदर वेळीआपुलकी गटांचा नाव असलेला केक कापण्यात आला, व सर्व महिलांना भेट वस्तू देण्यात आल्या यावेळी आपुलकी बचत गटाच्या अध्यक्षा सौ अश्विनी डोमाडे यांनी सांगितले की महिलांच्या सक्षमीकरणासाठी आमचा बचत गट गेले दोन वर्ष सातत्याने प्रयत्नशील आहेत त्यातीलच एक भाग म्हणून जिजाऊ या सामाजिक संस्थेच्या सहकार्याने जास्तीत जास्त महिलांना शिवणकाम,मेहंदी काढणे, तसेच ब्युटी पार्लर असे मोफत प्रशिक्षण देऊन, त्यांना स्वतःचा व्यवसाय सुरू करण्यासाठी प्रयत्न करणार असल्याचे सांगितले.
त्याबाबत जिजाऊ संस्थेशी संपर्क साधून लवकरच आपुलकी महिला बचत गट महिलांसाठी प्रशिक्षण केंद्र सुरू करणार असल्याचे अश्विनी डोमाडे यांनी आमच्या प्रतिनिधीना सांगितले ,सदर कार्यक्रम यशस्वी करण्याकरिता सौ. सारिका घुगे, प्रेरणा काकड यांनी विशेष परिश्रम घेतले.