कल्याण मध्ये एटीएम मशीन तोडून पैसे चोरण्याचा प्रयत्न फसला, चोराला पोलिसांनी रंगेहाथ ठोकल्या बेड्या

नेशन न्यूज मराठी टीम.

कल्याण – एटीएम मशीन तोडून मशीन मधील पैसे चोरण्याचा प्रयत्न कोळशेवाडी पोलिसांनी उधळून लावला आहे .एटीएम मशीन तोडून पैसे चोरण्याच्या प्रयत्नात असलेल्या एका चोरट्याला कोलशेवाडी पोलीसानी अटक केली आहे .कल्याण पूर्वेतील तिसगाव परिसरात काल मध्यरात्री च्या सुमारास एक्सिस बँकेच्या एटीम मध्ये एक इसम संशयास्पद हालचाली करत असल्याची माहिती कोळसेवाडी पोलिसांना मिळाली . या माहितीच्या आधारे कोलशेवाडी पोलिसांनी तत्काळ घटनास्थळी धाव घेत एटीएम फोडून पैसे चोरणाऱ्या या चोरट्याला रंगेहाथ अटक केली .

हरकबहाद्दूर बुढ्ढा असा या चोरट्याचे नाव असून हा नेपाळ येथे राहणार आहे काही दिवसांपूर्वी तो कल्याण मध्ये आला असून त्याने स्क्रू ड्रायव्हर च्या सहाय्याने एटीएम मशीन तोडली होती पैसे काढन्याच्या तयारीत असताना कोळसेवाडी पोलिसांनी त्याला रंगेहाथ अटक केली . या चोराकडे पोलिसांनी विचारणा केली असता या चोरांनी एटीएम फोडण्यासाठी एक लाख रुपये देणार असल्याचे सांगितले त्यानुसार पोलिसांनी एटीएम फोडण्यासाठी नेमका कोण याला पैसे देणार होता व का एटीएम फोडायला सांगितले याचा तपास सुरू केला आहे.

Share via

Leave a Reply

Your email address will not be published. Required fields are marked *

© 2020 Nation News Marathi | All Rights Reserved | Designed By - Way For Web