नवी मुंबई महापालिका आयुक्त अभिजीत बांगर ‘लोकसत्ता तरूण तेजांकित’ पुरस्काराने सन्मानीत

नेशन न्यूज मराठी नेटवर्क.
मुंबई – तरूण वयात आपल्या कार्यकर्तृत्वाने तळपणा-या युवकांचा शोध घेऊन त्यांना लोकसत्ता समुहाच्या वतीने ‘तरूण तेजांकित’ पुरस्काराने गौरविण्यात येत असते. यावर्षीच्या ‘प्रशासकीय सेवा’ क्षेत्रातील ‘लोकसत्ता तरूण तेजांकित’ पुरस्काराने नवी मुंबई महानगरपालिकेचे आयुक्त अभिजीत बांगर यांना मुंबई येथे विशेष समारंभात केंद्रीय शिक्षण व कौशल्य विकास मंत्री धर्मेंद्र प्रधान यांच्या शुभहस्ते, एक्स्प्रेस समूहाचे कार्यकारी संचालक अनंत गोयंका यांच्या प्रमुख उपस्थितीत गौरविण्यात आले.

लोकोपयोगी कामांमध्ये झोकून देत अनेकांसाठी प्रेरणादायी ठरणाऱ्या युवकांमधील ऊर्जा, उद्यमशीलता, जिद्द आणि प्रज्ञेला गौरविणाऱ्या ‘लोकसत्ता तरुण तेजांकित’ पुरस्कारासाठीची निवड ज्येष्ठ अणुशास्त्रज्ञ डॉ. अनिल काकोडकर यांच्या अध्यक्षतेखाली, ज्येष्ठ रंगकर्मी डॉ. सतीश आळेकर, ज्येष्ठ संशोधक डॉ. प्रियदर्शनी कर्वे, ,एमआयडीसीचे मुख्य कार्यकारी अधिकारी डॉ. पी. अनबलगन आणि ‘स्नेहालय’ या सामाजिक संस्थेचे अध्यक्ष डॉ. गिरीश कुलकर्णी या विविध क्षेत्रातील मान्यवरांच्या समितीने केली आहे.

भविष्यानेही आशेने पहावे अशा वर्तमानातील प्रज्ञावंत युवकांचा शोध घेऊन त्यांना ‘लोकसत्ता तरूण तेजांकित’ पुरस्काराने गौरविण्याची व यामधून त्यांच्यामधील नवनवोन्मेषशाली ऊर्जेला नवी प्रेरणा देण्याचे व काहीतरी सकारात्मक करू पाहणा-या नव्या पिढीसमोर नवा आदर्श उभा करण्याचे काम लोकसत्ता समुहाच्या वतीने करण्यात येत आहे. त्या अनुषंगाने करोना काळात जवळपास दोन वर्षे जीवनमान थिजवून टाकलेले असतानाही आपल्या कार्यमग्नतेतून लक्ष्याकडे सातत्याने वाटचाल करत राहिलेल्या तरूणाईच्या कार्याने निवड समिती विशेष प्रभावित झाल्याचे मत समितीने नोंदविले आहे. त्यामध्ये नवी मुंबई महापालिका आयुक्त तथा प्रशासक अभिजीत बांगर यांच्या लोकाभिमुख व लक्षवेधी कार्याची दखल घेत त्यांची ‘लोकसत्ता तरूण तेजांकित’ पुरस्कारासाठी निवड करण्यात आली आहे.

Share via

Leave a Reply

Your email address will not be published. Required fields are marked *

© 2020 Nation News Marathi | All Rights Reserved | Designed By - Way For Web