व्हॅट १३.५ ऐवजी ३ टक्के,सीएनजी इंधन स्वस्त होणार,प्रवाशांना दिलासा मिळणार का?

नेशन न्यूज मराठी टीम.

मुंबई– उपमुख्यमंत्री तथा वित्तमंत्री अजित पवार यांनी अर्थसंकल्पात घोषणा केल्याप्रमाणे सीएनजी इंधनावरील मुल्यवर्धीत कराचा (व्हॅट) दर 13.5 टक्क्यांवरुन 3 टक्के इतका कमी केल्याची अधिसूचना काल अधिवेशनाच्या शेवटच्या दिवशी जारी करण्यात आली. उपमुख्यमंत्री अजित पवार यांच्या नेतृत्वाखालील वित्त विभागाने काल जारी केलेल्या अधिसूचनेप्रमाणे दि. 1 एप्रिलपासून राज्यात सीएनजी इंधन स्वस्त होणार असून याचा फायदा ऑटोरिक्शा, टॅक्सी चालकांसह, प्रवासी वाहतूक करणारी वाहने तसेच नागरिकांना होणार आहे. प्रदुषण नियंत्रणासाठीही हा निर्णय महत्वाचा आहे. सीएनजीचे कमी झालेले नवे दर दि. 1 एप्रिल 2022 पासून लागू होतील.

इंधनाचा भाव वाढला तर ऑटोरिक्शा, टॅक्सी किवा सार्वजनिक वाहतूकदार आपल्या भाड्यामध्ये वाढ करतात व सामान्य प्रवाशाला या भाव वाढीला सामोरे जावे लागते आता जर सीएनजी इंधन कर कमी केल्या मुळे स्वस्त होणार असेल तर ऑटोरिक्शा, टॅक्सीवाले आपले भाडे कमी करणार आहेत का? असा प्रश्न सामान्य वाहतूक करणाऱ्या प्रवाशाच्या मनात आहे. १ एप्रिल नंतर याचे उत्तर सामान्य प्रवाशाला मिळेल असे वाटत आहे.

Share via

Leave a Reply

Your email address will not be published. Required fields are marked *

© 2020 Nation News Marathi | All Rights Reserved | Designed By - Way For Web