नेशन न्यूज मराठी टीम.
कल्याण – कल्याण डोंबिवली महापालिका क्षेत्रात, शासनाच्या मार्गदर्शक सुचनांनुसार 12 ते 14 वर्ष वयोगटातील मुलां-मुलींचे लसीकरण दिनांक 17/03/2022 पासुन सुरु करण्यात येत आहे. 12 ते 14 वर्ष वयोगटातील मुलांना Corbevax या लसीची पहिली मात्रा आता देण्यात येणार आहे. तसेच पहिली मात्रा घेऊन 28 दिवस पूर्ण झाल्यानंतर दुसरी मात्रा देण्यात येणार आहे. सदर लसीकरणाकरीता मुलांचे वय 12 वर्ष पुर्ण असणे आणि 14 वर्षापर्यंतच असणे आवश्यक आहे. म्हणजेच दिनांक 16 मार्च 2008 पासून 16 मार्च 2010 या कालावधीत जन्मलेल्या मुलां-मुलींनाच सदर लसीकरणाचा लाभ घेता येईल. सदर लस घेण्याकरीता मुलांची जन्मतारीख असलेला कोणताही 1 पुरावा ( आधार कार्ड, जन्म दाखला, शाळेचे ओळखपत्र इ. ) लसीकरणाकरीता येतांना सोबत आणणे आवश्यक आहे.
महानगरपालिकेच्या बाई रुक्मिणीबाई रुग्णालय, कल्याण (पश्चिम )आणि शास्त्रीनगर रुग्णालय, डोंबिवली( पश्चिम) येथे 12 ते 14 वर्ष वयोगटातील मुलां-मुलींचे लसीकरण सत्र दिनांक 17-3-2022 रोजी सकाळी 11.00 ते सायं. 5.00 यावेळेत आयोजित करण्यात आले आहे, त्यानंतर दिनांक 18-03-2022 रोजी धुलीवंदन असल्यामुळे सदर दिवशी लसीकरण बंद ठेवण्यात येईल व तद्नंतर दिनांक 19-03-2022 पासुन पुढील लसीकरण सत्र सुरु राहील.