कल्याण/संघर्ष गांगुर्डे – कल्याणच्या पाम रिसॉर्ट मध्ये काम करणाऱ्या जुनेद अन्सारी हा सव्वातीन लाख रुपयांची रोकड चोरून पसार होता. महात्मा फुले चौक पोलिसांनी चोरट्याला उत्तरप्रदेश मध्ये जाऊन बेड्या ठोकल्या आहेत. पोलिसांना रोकडसह त्याच्या मुसक्या आवळण्यात यश मिळाले आहे.
कल्याण पश्चिमेच्या कल्याण – मुरबाड रोडवरील सुप्रसिद्ध पाम रिसॉर्टमध्ये 27 नोव्हेंबर रोजी मध्यरात्री दीडच्या सुमारास ऑफिसच्या लॉकर मधून जुनेदने 3 लाख 20 हजार रुपयांची रोकड लंपास केली होती. व त्यानंतर तो पसार झाला होता. ही सर्व घटना तेथील सीसीटीव्ही कॅमेऱ्यात कैद झाली होती. जुनेद रोकड चोरून रेल्वेने उत्तरप्रदेश ,गोरखपूर येथील गौरीपाड यामूळ गावी जाऊन लपला होता. हि माहिती महात्मा फुले चौक पोलिसांना माहिती मिळाली. सहाय्यक पोलिस निरिक्षक डी. एन. ढोले आणि त्यांच्या दोन कर्मचाऱ्याने जुनेदला शोधण्यासाठी उत्तर प्रदेश गाठले. व त्याला गोरखपूरच्या गौरीपाडा या मूळ गावातून ताब्यात घेतले .तसेच त्याच्याकडून चोरी करण्यात आलेले सर्व रक्कम हस्तगत करून त्याला कल्याणला घेऊन आले. पोलिसांनी जुनेदला कल्याण न्यायालयात हजर केले असता,त्याला दोन दिवसांची पोलिस कोठडीत आहे.