पुणे-सोलापूर राष्ट्रीय महामार्गावरील कांचन व्हेज हॉटेल आगीत जळून खाक

पुणे / प्रतिनिधी- पुणे-सोलापूर राष्ट्रीय महामार्गावर यवत जवळील ( शेळके मळा ) येथील कांचन व्हेज हॉटेला मंगळवारी दुपारी अचानकपणे लागलेल्या आगीत कोणतीही जिवीत हानी झालेली नसली तरी त्यात हॉटेल मात्र पूर्णपणे जळून खाक झाले.सुत्रांच्या माहितीनुसार गॅस सिलेंडरच्या लिकेज मुळे ही आग लागण्याची शक्यता होती वातावरणात प्रंचड उष्मा त्यात भर दुपारच्या वेळेत ही आग लागल्याने क्षणार्धात आगीने रौद्र रूप धारण केले.आगीच्या ज्वाळा हॉटेल बाहेर येत होत्या.आग लागल्याचे दिसताच अर्थातच हॉटेल पुणे-सोलापूर रोडवर असल्याने बघ्यांनी तेथे एकच गर्दी केली.आग लागल्याचे समजताच यवत पोलीस स्टेशनचे पोलीस निरीक्षक भाऊसाहेब पाटील यांनी सहकाऱ्यांसह धाव घेऊन बचाव कार्य सुरू केले.खाजगी पाण्याचे दोन टँकर घटनास्थळी दाखल करण्यात आले स्थानिक ग्रामस्थांनी आग आटोक्यात आणण्यासाठी आटोकाट प्रयत्न करत असतानाच कुरकुंभ येथील महाराष्ट्र औद्योगिक विकास महामंडळाच्या अग्निशमन दलाचा बंब तब्बल एक ते दिड तासांनी घटनास्थळी दाखल झाला अग्निशमन दलाच्या जवानांनी आग आटोक्यात आणली परंतु तोपर्यंत हॉटेल मधील फर्निचर आणि इतर साहित्य जळून खाक झाले होते.लॉकडाऊन मुळे बरेच दिवस हॉटेल सेवा बंद होती परंतु अलीकडे काही दिवसांपूर्वीच जिल्हाधिकाऱ्यांनी हॉटेलमधून पार्सल सुविधा सुरू करण्यासाठी परवानगी दिली होती.त्यामुळे या हॉटेलमध्ये पार्सल सुविधा सुरू करण्यात आली होती.आग लागलेल्या ठिकानावरून धुराचे मोठे लोळ दुरुन दिसत होते.नागरिकांनी येथे मोठी गर्दी केली होती परंतु पोलीस प्रशासनाने लागलीच गर्दी आटोक्यात आणुन आग आटोक्यात आणण्यासाठी प्रयत्न केले.या हॉटेलचे लाखो रुपयांचे नुकसान झाले असल्याचा प्राथमिक अंदाज हॉटेल मालकाने व्यक्त केला आहे.व्हेज शौकिनांसाठी हे हॉटेल अधिक प्रिय होते

Share via

Leave a Reply

Your email address will not be published. Required fields are marked *

© 2020 Nation News Marathi | All Rights Reserved | Designed By - Way For Web