सोलापूर येथे क्रांतीज्योती सावित्रीबाई फुले यांची जयंती शिक्षण दिन म्हणून साजरी

प्रतिनिधी.

सोलापूर – जिल्ह्यातील सदसंकल्प शिक्षण व समाजसेवा संस्था सोलापूर संचलित मातोश्री माध्यमिक विद्यालय म्हैसगाव ता माढा येथे क्रांतीज्योती सावित्रीबाई फुले यांची जयंती शिक्षण दिन म्हणून उत्साहात साजरी करण्यात आली.
कार्यक्रमाच्या अध्यक्षस्थानी म्हैसगावच्या विद्यमान सरपंच सीमाताई पंडित खारे ह्या होत्या तर प्रमुख पाहुणे म्हणून जि.प सदस्य आप्पासाहेब उबाळे,लक्ष्मणराव कांबळे, माढा तालुका सरपंच संघटनेचे कार्याध्यक्ष पंडित खारे होते.
यावेळी क्रांतीज्योती सावित्रीबाई फुले यांच्या प्रतिमेचे पूजन करून कार्यक्रमास सुरुवात करण्यात आली. या प्रसंगी विद्यालयाचे मुख्याध्यापक बापूसाहेब आडसुळ यांनी प्रास्ताविक केले.
यावेळी महिला शिक्षक,डॉक्टर, नर्स,अंगणवाडी सेविका यांचा सन्मान अध्यक्ष व प्रमुख पाहुणे यांच्या हस्ते करण्यात आला यावेळी प्रमुख पाहुणे व विद्यार्थ्यांनी आपले मनोगत व्यक्त केले. विद्यालयातील विद्यार्थ्यांच्या वक्तृत्व व निबंध स्पर्धा घेण्यात आल्या होत्या त्याचे पारितोषिक वितरण प्रमुख पाहुण्यांच्या हस्ते करण्यात आले.
कार्यक्रमाचे सूत्रसंचालन सांस्कृतिक विभाग प्रमुख प्रतिभा पांडव यांनी केले तर आभार ज्ञानेश्वर धांडे यांनी मांडले

Share via

© 2020 Nation News Marathi | All Rights Reserved | Designed By - Way For Web